الفنان تامر حسني يكشف عن أهم حوار في أفلامه
- إعلان -
الفنان تامر حسني يكشف عن أهم حوار في أفلامه
نشر الفنان تامر حسنى مشهد من فيلم “مش أنا” عبر حسابه على “إنستغرام” وكشف فيه عن أهم حوار كتبه في حياته من خلال مشهد “الحمد لله”.
قال النجم تامر حسني: “مشهد “الحمد لله ” من فيلم “مش أنا” يمكن أهم حوار كتبته في حياتي وأتمنى ياخد نصيب كبير أوي في الانتشار عشان واثق إن كلامه كتير منكم محتاجين يسمعوه وهيكون علامة جميلة لناس كتير محبطة ومستنية التشجيعة دي عشان يقوموا ويحققوا اللي ناقصهم لما يركزوا إن في ناس ظروفهم كانت أصعب منهم وقدروا يوصلوا وينجحوا”.
- إعلان -
وأضاف النجم تامر حسني قائلاً: “يعني الموضوع فينا إحنا مش في الظروف، ظروفك الصعبة دي ممكن تصنع منك بطل، إنت اللي هتحدد وهتقرر ظروفك هتصنع منك إيه قوم يلا ينفع تحلم تاني وعاشر الحلم ملوش وقت ولا سن والوقت مش متأخر ولا حاجة ومادام بتصحى من النوم بتلاقي نفسك عايش يبقى ربنا لسه عايزك وعندك مُهمة في الحياة قوم دور عليها ربنا مخلقكش فاضي بالعكس عندك كتير بس الشاطر كل ما يدور هيلاقي وزي ما كتبت في حوار الفيلم المريض الحقيقي هو اللي معندوش طموح”.
من جهة أخرى أوشك تامر حسني على الانتهاء من تصوير مشاهد فيلمه الجديد “بحبك”، حيث يتبقى له ما يقرب من 5 أيام وينتهي التصوير تماماً، ويتجه تامر بعدها إلى غرفة المونتاج لوضع اللمسات النهائية للفيلم ليكون جاهزاً للعرض في موسم عيد الأضحى المقبل، وطرح النجم تامر حسني برومو مبدئياً للفيلم خلال الأيام الماضية وحقق نسب مشاهدة مرتفعة.
فيلم “بحبك”، تأليف وإخراج تامر حسني في أولى تجاربه بالإخراج السينمائي، وبطولته مع هنا الزاهد، حمدي الميرغني، وعدد آخر من الفنانين، وانطلق تصويره مطلع العام الجاري بمشاهد جمعت تامر حسني وهنا الزاهد والتي نشرها تامر على حساباته على السوشيال ميديا.
- إعلان -